මතක ඔක්කොම
මාත් එක්කම
මොහොතකට
මියැදෙන්න දෙන්නම්;
හුඟක් බර නම්
කඳුළු බිඳුවෙන්
හිමින් සීරුවේ
පොළෝ තලයම
වෙලා ගන්නම්...
තනිව ආගිය මගේ
නැවතුමක් මම සෙව්වේ
අහම්බෙන් වගේ
නැවතුණේ දෙහිතක් අතරේ
කඳුළු බිඳුවකට
නැවතෙන්න ඉඩ දුන්නේ
සංසාර මාවතේ
තනිය මන් ඩැහැගත්තේ...
අත් හැරුණු පසුවද
ඉන්න තිබුණා නුඹට,
තිබුනා නම්
මා ගැනම
පමණකුදු
ප්‍රේමයක්...
හිත් දෙකක් තියාගෙන
ළං වුණේ නුඹ වෙන හිතක
සංසාරෙ කළ පවට
හිත ගියේ අහිතකට
🖤🥀✍️......
ජයමාලි...✍️
බලාගත් වන
බලා සිටියේ
දහස් ගණනින්
පුංචි ගස්වැල්...
පෙළක් කතාවන්
දැනන් හොඳටම
මොකුත් නොකියම
සැඟවූ තැන් ඇති...
නොකිව්වට
සමහර විටත්,
මල් කිනිත්තක්
බිම වැටෙද්දිත්...
රිදෙනවත් ඇති
හිමින් සීරුවේ
ඒ පුංචි නටුවලට නම්;
🥀🖤
ජයමාලි ✍️
තෙවන වසර දෙවැනි සමාසිකයේ දී,
හැල්මේ දුවන කාලය
නවත්වන්නට නොහැකි වග
ටිකෙන් ටික මතකයේ පුරවයි
වසර 25කුත් ගෙවී ගොස් හමාරයි.
මතකයන් පිරුණු සරසවි දිවිය
තව නොබෝ කාලයයි
ගෙවුණු වසර තුනට තවත් ඉතිරිව ඇත්තේ
එක් වසරකි.
විභාගය .........................................................
සරසවි රීඩිමේ
නිහඬ නිදිවර්ජිත රාත්‍රීන්
එකින් එක් ගෙවී යයි.
කාලයක සේයාව තවම සිත පාරවයි
අහඹු හමුවීම් ගැන ටිකෙන් ටික මෙනෙහි වෙයි
හමුවීම් වෙන්වීම් තවම සිත පාරවයි.
මතකයන් පුරවන්න ලං වෙච්ච හිත් ගොඩායි
පොත් අතර හිත දුවන මගේ හිත එක තැනක නතර වෙයි🥺
විසල් දුක්
හද කොනක
තවමත්
ශේෂව
එහෙත්,
ඒ
අහේතුවක්...
අහම්බකාරයෙක්...
කිසිවෙකුට
නොවැටහෙන්නක්...
පන්හිදට පමණකුදු
ශේෂ වූ
විරාමයක්...
තවත්
නිසොල්මන් හෝරාවක්...
අවැසි නමුදු
අස්වැසිල්ලක්
විඩාබර
බලාහිඳීමක්
තවමත්...
සිතන්නට යමක්
තිබිය හැකිද
අහේතුක දුකක්? 🖤✍️😔
Jayamali...✍️
කාලයක බලාහිඳීමක්
එහෙත්,
එය
කෙටි කාලීන ඇමතුමක්
සංවාද
විසංවාද
ගොන්නක්
බැඳීම් මෙන්ම
හිත් රිදුම්
එහෙත් කාර්තුවක්
දිගු නිහැඬියාවක්
පාලුවක්
තනිකමක්
ශේෂ වූ මතකයක්
එක තැනක නතර වුණු
කාලයේ සේයාවක්
නැවත නොයෙන
සේ හැඟෙන
එක්තරා ඇමතුමක්
එහෙත්,
නොඉවසිල්ලෙන්
බලාහිඳිමි
එසේ
නැවත එන
ප්‍රේමණීය ඇමතුමක් 🔊📲
Jayamali ...✍️
පෙරලුවෙමි
පිටු දහසක්
එහෙත්,
'ප්‍රේමය' නමින්
හිස් පිටුවක්
එය,
එක් පිටුවක්.
තවමත්
ඉතිරි වුණු
ලියන්නට නොහැකි වූ
තනි පිටුවක්💕
Jayamali...✍️
මතක ඔක්කොම මාත් එක්කම මොහොතකට මියැදෙන්න දෙන්නම්; හුඟක් බර නම් කඳුළු බිඳුවෙන් හිමින් සීරුවේ පොළෝ තලයම වෙලා ගන්නම්... තනිව ආගිය මගේ නැවතුමක...
